मोलकरीण

हो आहे ती मोलकरीण

म्हणून काय झालं

लोकांची धुणी भांडी करून 

ती स्वतःचं संसार उभ केलं.....

पदर पसरून रस्त्यावर 

भीक तर नाही मागत 

स्वावलंबी जगणं तिचं 

लाचाऱ्या वाणी तर नाही वागत.....

कुणाच्याही घरात ती 

लागेल ते काम करते 

आणि स्व कष्टाच्या बळावर

ती मुलां बाळांच पोट भरते........

ती असेल जरी मोलकरीण 

मुलांना उच्च शिक्षण देते

पदर खोचून कमरेला

त्यासाठीच ती काबाडकष्ट घेते......

दररोज तुमचं घर स्वच्छ ठेऊन

घरात लक्ष्मी ती आणते

ती मोलकरीण आहे म्हणूनच ना

बहुतेकांच्या घरात तिचं राबते.........

तिच्या वेळापत्रकानुसार

खरतर तुमचं घर चालतं

एक दिवस वेळे वर नाही आली

तर सारं घर कोलमडून जातं.........