मनसौंदर्य

सुंदर दिसावे

वाटे प्रत्येकाला 

खरी सुंदरता मनाची

कधी कळेल मानवाला

नश्वर या शरीरासाठी

फॅशन असते

लाखमोलाच्या मनासाठी

काहीच नसते

आजकाल माणसाची ओळख

कपड्यांवरून होते

सुंदर जरी मन त्याचे

फाटक्या कपड्यांखाली दडपते

फॅशनच्या नावाखाली 

हिंसा चाले शरीराची

महाग जितके कपडे तितकी 

सुंदरता त्या माणसाची 

रसायनांचा मारा करून

कोण सुंदर होतात

तरीही नैसर्गिक सौंदर्यासाठी 

लोक वेडे होतात 

जाणून घेतले पाहिजे

महत्त्व मनाचे

आणि जाणा महत्त्व

त्याच्या सौंदर्याचे

देही उंची वस्त्रे

कपटी मन असे 

हेवा मत्सर भिनलेला अंगी 

फॅशन रोमारोमात दिसे 

जाणून घे मानवा

महत्त्व सौंदर्याचे

सुंदरता चराचरात

सौंदर्य खास निसर्गाचे

सगळ्यात आवश्यक 

सुंदरता मनाची 

सौंदर्य असावे वागण्यात 

फॅशन ही जीवनाची