मन
मन
1 min
262
मन हे आपल्याला
त्याच्या तालावर नाचवतो
त्याच्या इच्छेप्रमाणे झाले की
आपल्याला हसवतो
चंचल आपले मन असते
बदनाम मात्र आपण होतो
मन जे जे सांगेल ते
आपण नेहमी करत असतो
मनाला समजूत घालायची
हिम्मत आपल्यात नसते
कितीही समजूत घातली
तरी किंमत त्याला नसते
मृगजळामागे धावायची
सवयच त्याला असते
योग्य काय, अयोग्य काय?
कळत त्याला नसते
मनावर अंकुश ठेवण्याचे
सामर्थ्य आपल्यात असावं
प्रत्येकवेळी मनासारखं
वागणं आपलं नसावं