मन
मन
1 min
531
आयुष्याचा सुत्रधार हे
मन इवलेसे वाटणारे,
कडू गोड आठवणींचे
भांडार ते साठणारे..
भल्या बु-या वळणावरती
चालताना दाखवते वाट,
कधी स्थिर, कधी चंचल
करते हे मन अबोल गोंगाट..
एकटेपणाला सावरण्यास
बनते ते खंबीर आधार,
सुख-दु:खाच्या हरक्षणात
मनच असते भागीदार..
रखरखणा-या वेदनांनाही
मन कुरवाळते प्रेम स्पर्शाने,
घालूनी फुंकर देते गारवा
दु:खालाही क्षमविते हर्षाने..
मानवाच्या जीवनातील
जगण्याची आस हे मन
हारलेल्या माणसाच्या
मृत्युचे दुसाहस हे मन..