मला काय आवडतं

मला आवडतं लिहायला

इवल्या चिमणपाखरांवर

नाजूक कोमल फुले पाने

रंगीबेरंगी फुलपाखरांवर 

जाणून घेतेच सृष्टीसौंदर्य

निसर्गावर लिहिते कविता

आवडते रेखाटायला मला

पर्वत डोंगर सागर सरिता

लिहिते मी दोन सुंदर शब्द 

देवाने दिलेल्या आरोग्यावर

भक्त आहे मी देव-देवतांची

लिहिते मुनींच्या वैराग्यावर

नको ओझे ताण-तणावाचे

आवडे मज स्वच्छंद जीवन

लिहिते मी व्यायामप्रकारावर

टिपण्णी देईल सर्वां संजीवन

गुंफते प्रभातीच्या चारोळ्या

पुजूनी तांबूस सूर्यनारायण

जो देतो ऊब प्रकाश जीवन

करूनी महतीचे पारायण