मी सत्यप्रेमी

 पत्रकार मी निर्भिड

आहे तसाच निर्भय

सत्य आणतो पुढती

मज ना जीवाचे भय   (१)

कधी हो चक्रीवादळ

घाले सागर थैमान

तशातही असे पुढे

छत्रीमधे घाली मान    (२)

कधी कोणी प्रश्न टाळी

कोणी दुरुत्तरे देई

उभा वाहिनीपुढती

ध्येय हे कर्तव्यपूर्ती    (३)

मज ना ठाऊक पक्ष

 ठावे ना राजकारण

सत्यवाली पत्रकार 

नित्य मनी ठेवी जाण  (४)

टीका समीक्षा कडक

नातीगोती बिघडती

परिचित चुकवती

सत्याचीच रणनिती    (५)

सदा फिरती पाऊले

सत्य छुपे शोधताना

जातीचाच समीक्षक

धार शब्दांना देताना     (६)