मी कोण

कवी हा उघड़ा। कवी हा नागडा 

शब्दाची घागर । खाली वर ।।

शब्दांना आकार । शब्दांना ओंकार

शब्द अलंकार । प्रसवितो ।।

शब्दांचे कवित्व । शब्दांचे ममत्व

शब्दाचे महत्व । घरोघरी ।।

कवी हा श्रीमंत । कवी हा सुमंत

कवी हाच राजा । दरबारी ।।

बोलाचीच कढ़ी । बोलाचाच भात

करी काय मात । व्यवहारे ।।

शब्दांचे वजन । शब्दांचे सृजन

शब्द भड़ीमार । पुस्तकात

शब्दांचे मांडव । शब्दांचे तांडव

शब्दांची झालर । अकाशीच

शब्दांनी शब्दांला । मारुनिया गाठ

पाहातोच वाट । प्रकाशक ।।

रामसुत म्हणे । शब्द खुळखुळा

वाजवतो वेळा । संमेलनी ।।

सांगा का शब्दांनी । भरेल हो पोट

कविता करितो । उठसूट ।।

शब्द हे तोरण । करून झुंबर

बांधितो अंबर । साहित्याचे