महाराष्ट्र माऊली

महाराष्ट्राच्या मातीत जन्मलो, पुणित जाहले पाय

स्वर्गाहूनी सुंदर अमुची, मराठमोळी माय ॥ धृ॥

तुझ्या पोटी जन्म घेतला

मानव जन्म सार्थक जाहला

अजरामर झाले हे जीवन

याहूनी भाग्य दुसरे काय...१

इथे एकतेची शान निराळी

वीरत्वाची भरते शहाळी

वारकऱ्यांचा मृदुंग गर्जतो

सावळा विठुराय...   २

स्त्री शिक्षणाचा उगम इथेचि

साहित्यामध्ये दिशा उषेची

जातीच्या बेड्या तुटल्या

शलाका जाहल्या निरुपाय...  ३

अमुची सुंदर मधाळ बोली

हृदया संगे हृदये जोडी

मैत्रीची माळ गुंफीते

दुधा वरची साय...    ४

मानवतेचा अभिनव पाया

अन्नदात्री सुपीक काया 

शब्दं वर्णाया उणे पडती

करू कोणता उपाय...  ५