महाराष्ट्र माझा

माझ्या महाराष्ट्राचे गं

किती गाऊ गुणगान

किती जाती अन् धर्म

उभा डौलाने घेऊन

माझा महाराष्ट्र आहे

जन्मभूमी या संतांची

ज्यांनी दिली शिकवण

दया क्षमा व शांतीची

माझ्या राज्याची संस्कृती

खूप थोर व पवित्र

जिने घडविले संत

अन् महान चरित्र

महाराष्ट्र माझा आहे

साऱ्या राज्यात महान

नाही भेदभाव कधी

कोणी किती थोर सान

शान मराठी मातीची

वागा भान ओ ठेवून

करू नावाचे सार्थक

तिचे गीत ओ गाऊन