महाराष्ट्र दिन

महाराष्ट्र देशा तुझा, डंका वाजे चोहिकडे,

गगन झाले केशरी, दुमदुमले चौघडे||धृ||

जिजाऊ आशिष देेेेता, सूूर्य नवा उगवला,

शिवबाने स्वराज्याचा, झेंडा भगवा रोवला,

'जय भवानी' गर्जती, सह्याद्रीचे उंच कडे,

गगन झाले केशरी, दुमदुमले चौघडे||१||

कुंकू, नथ, डोरल्याने सजे मराठी देखणी,

संस्काराचे बीज रूजवते संतांची लेखणी,

बलिदानाच्या रक्ताचे ही पडले होते सडे,

गगन झाले केशरी, दुमदुमले चौघडे||२||

वर्धापन साठावा, उत्सव साजरा करूया,

महा राज्य हे एक झाले तो दिवस स्मरूया,

तुताऱ्यांच्या ललकारीने आज सलामी घडे,

गगन झाले केशरी, दुमदुमले चौघडे||३||