मेघराज

युगानुयुगे आपले नाते 

सांगु सगळ्यांना

आलो परत भेटण्याला

वैशाख वणवा आता सम्पला

  गगन मंडपी मांडव घातला

नभी दाटलो आता मी ही

झालो अधीर मिलनाला

आलो परत भेटण्याला 

कणा कणात भिजवीन तुला

कुरवळींन मी डोंगर दऱ्याला

कडाडून नभी वीज रेघ ही

पसरला सुगन्ध धरतीला

आलो परत भेटण्याला

अनादी अनंत मिलन आपले

होतील आनंदी चराचर सगळे

परंपरेचे गीत आळवुन 

करू नमन सृजन संस्कृतीला

आलो परत भेटण्याला

युगानुयुगे आपले नाते 

सांगु सगळ्यांना

आलो तुझ्या मिलनाला