मैत्रीची भाषा

व्हाट इज युवर मदर टंग 

करत मैत्रीचा हात समोर आला

जावे ज्या देशा अनुसरून

उत्तर आम्ही देत असु

मराठी म्हणताच

पुस्तकी की बोलीभाषा

संवादासाठी मग सामना

पुणेरी विरूद्ध वर्हाडी

रंगत गेला न्यारा...

पेन भेटला कि मिळाला?

पुणेरी म्हणती मिळाला

वर्हाडी म्हणती भेटला...

र्निजीव पेनाला का भेटला 

पुणेर्याने केला सवाल... 

वर्हाडी तावा तावा 

बोलु लागला 

माझा पेन मला भेटलाच बे

शब्दा शब्दा मग 

संवादातच दोघात जुंपायाची...

अहिराणीवाला गेला भांडण सोडवाया 

पण बोलीभाषेत तोही अडकला...

झाडी, कोकणी, मालवणी अशा नानाविध बोलीभाषा

असे आमुच्या मायबोली मराठीच्या लेकी सुना

नटुन थटुन शब्द अलंकाराने राज्य करते 

आमच्यावर ही मैत्रीची मायबोली मराठी भाषा....

हात हातात घेते, हिंदी, इंग्रजी भाषेतील शब्द

लाडीगोडीने रंगत जाते आमचे मैत्रीचे संवाद...