मैत्री

जीवन जगताना या संसारी

असे मैत्रीचे अनमोल नाते

सुख असो वा दुःख जीवनी

प्रत्येक प्रसंगी साथ देते

एकमेकांच्या आनंदातच 

जे स्वतःचा आनंद पाहते

येता संकट आपल्या मित्रावर 

लढण्या संकटाशी उभे राहते

मित्रासाठी जिथे असते

नियतीशी लढण्याची तयारी

अशा मैत्रीची तर आहे

प्रेमवेडी दुनिया सारी

असले मैत्रीत कितीही प्रेम 

तरीही दाखवत मात्र नाही

नसते कसलेच बंधन तरीही

असे साथ निभवण्याची ग्वाही

घेण्या जन्म एका पोटी

ज्यांना शक्य होत नाही

बनवून मैत्रीचं नातं ते

एकमेकांत भातृभाव पाही