मैत्रिचे गणित

मैत्रिचे गणित काही औरच आहे

गर्दित कुठेही नजरानजर होता

आनंदुन जातात चार डोळे

ऊंचावले जातात दोन हात 

दोघींचेही नकळत

भेटण्या पावले पडतात भरभर

गर्दितुन वाट काढत

भेटता पहिले वीस कर अंगुल्या 

न एक ही शब्द फुटे दोघींच्याही मुखातुन

नजरेतुनही वाचले जातात भाव सर्व मनींचे...

मग हळुच एक एक शब्द बाहेर पडतात मुखातुन

हसण्याच्या गडगडात विसरून जाता गर्दितला कलकलाट

अखंड बडबडीत सरता तास न् तास

निरोप घेते म्हणता म्हणता 

हळुच पुसल्या जातात डोळ्यांच्या कडा

पटकन् एक गिरकी घेत

दुरावल्या जाता वाटा विरूद्ध दिशेने

परत गर्दितला एक भाग होण्यास

घेऊन सोबत अगणित आठवणी अन् आनंद मनी...