मैदाने हवी

देव बप्पा एक

प्रश्न आहे तुला

खेळायचं कुठे आम्ही

एवढं सांग आम्हाला

कुठे आहेत का

ठेवली सांग मैदाने

हडप केली ज्यांनी

ती आहेत सैताने

जरा पण आमचा

विचार नाही केला

मैदानी खेळ नाही

घरात बसवून ठेवला

तूच सांग देवा

काय करायचं आम्ही

मैदाने उरतील याची

कोणी देत नाही हमी

आरोग्य आमचं

कसं रे जपलं जाईल

मोबाईलवर खेळून

डोळ्याला चष्मा येईल

कसे राहू निरोगी आम्ही

सांग ना रे देवा

कसरतीसाठी आम्हाला

मैदानीच खेळ हवा.....

एवढं देवा ऐकून

मैदाने रे दे आम्हाला

बदल्यात काय हवं

ते देतो आम्ही तुला....