मायेची सावली

आईला कुणी म्हणे माय

तर कुणी म्हणे माऊली

माया ममता प्रेमाची मूर्ती

आई तर मायेची सावली

झाडं फुल देते फळ देते

उन्हात देते सर्वाना सावली

आई देखील एक झाडंच

सर्वाना घेते ती पदराखाली

पोटाला चिमटा देऊन वाढविते

आपले दुःख कळू देत नाही

लेकरांना सुखी ठेवण्यासाठी

रात्रंदिवस कष्ट करत राही

आई थोर तुझे उपकार

आईला काय देऊ उपहार

खुप ऋण आहेत माझ्यावर

या जन्मी फेडू ना शकणार