मायबोली मराठी

हि गोष्ट असे सार्थ अभिमानाची 

महाराष्ट्र देशाच्या बोली भाषेची

गाठीशी आहे पुण्याई पूर्वजन्माची 

मराठी असे मायबोली अमुची

उब इथे सह्याद्रीच्या डोंगराची 

सांगते कथा शिव पराक्रमाची 

सहज अश्या तुकारामाच्या अभंगाची 

मराठी असे मायबोली अमुची

कविता आम्हा सांगते कुसुमाग्रजांची 

तळमळ सावरकरा मातृभूमीची 

अमृताहुनी गोड पदवी ज्ञानेशाची 

मराठी असे मायबोली अमुची 

मम्मीने घेतली जागा आईची

का भासे कमतरता शब्दांची 

प्रतीक्षा सरकारी अभिजात दर्जाची

मराठी असे मायबोली अमुची