माय मराठी

माझ्या मराठी भाषेला गा

लकेर प्रेमाची

फोड अमृताहूनी गोड

मधू भरल्या थेंबाची

झोका वादळात घेई

तिचे शब्दं सान थोरं

दाटे सुगंध अक्षरांचा

आम्र तरुचा जसा मोहरं

कधी मुक्ताफळे उधळी

कुठं होई काटेकोर

वाटे साऱ्यांना अपूर्वाई

राही सदा म्होरं म्होरं

भान अभंगाचे धरी

नाचे भारूडी किर्तनी 

सांडे शाई डफातूनी

हृदया मधली गाणी

हासे मराठी गालात

खेई फुगडी रानात

तिचा वारसा अनोखा

राघुला भेटला दानात

तिच्या बोलीभाषे मंधी

नाना विध मकरंद

गोड सहदाचा कांदा

असा मराठीचा रंग