मातीचा गर्व
मातीचा गर्व
बरा होता माझा
कालचा जुना गाव
तिथे माणसाला
मिळत होता वाव --- ||१ ||
रोज चार माणसं
ओसरीवर बसायचे
काबाड कष्ट करून
पोट भरून हसायचे---- || २ ||
नसे कुणा भेदभाव
जातीचा न पातीचा
गुण्या गोविंदानं नांदे
होता गर्व मातीचा ----- || ३ ||
महादेवाच्या देवळात
भजन म्हणत बसायचे
ना बी.पी ना शुगर
सारे तंदुरुस्त दिसायचे ------ || ४ ||
कबड्डी आणि कुस्ती
रोज नविन खेळ असायचे
होत्या आट्या अन् पाट्या
तेव्हा बॅट बॉल नसायचे ------- || ५ ||
आमच्या काळात पुर्वी
माणूसकी होती माणसाला
चार पाहूने आले की
सतरंजी असे बसायला ------ || ६ ||
गोठ्यात म्हशी अन्
दारात गायी असायच्या
दूध दुभतं घरात दारी
चार मांजरी दिसायच्या ----- || ७ ||