मासिक पाळी

आईच्या गर्भात

स्त्रिबीज फुललं

वाढीच्या टप्याने

हळूहळू खुललं

यौवनाच्या बहराने

खुलत गेली कळी

हळू एका टप्प्यावर 

सुरु मासिक पाळी 

अचानक बदलाने

घाबरली जर कळी

समजून सांगा तिला

 काय ही मासिकपाळी 

अशुद्ध रक्त वाहते

चक्र चाले माहेवार

शरीराला येई थकवा

जीव होई खूप बेजार

विटाळ ना मासिकधर्म

स्त्रीत्वाचे असे ते अंग

निर्मिती ही बिजांडाची

वंशवेलीला चढवी रंग

पॅडचा करावा वापर

स्वच्छतेचे हवे भान

शेंगा गुळ खावून

आरोग्य जपावे छान