माणुसकी

लाजवेल देवाला ही 

वृत्ती झाली माणसांची 

स्वतः श्रेष्ठ जगतात 

गौण भाव इतरांशी 

माझं तुझं म्हणण्यात 

माणुसकी हरवली 

अहंकार मी पणाचा 

माणसाने मिरवली 

प्रेम जाणून न घेता 

द्वेष मनात जागली 

कित्येकांच्या भावनांना 

शीळ मनात लागली 

कोण मोठे कोण छोटे 

यात आयुष्य सांडले 

निरर्थक गोष्टींसाठी 

रक्त रक्ताला भांडले

व्यक्त करावे भावना 

जग जिंकावे प्रेमाने 

पैसा नसेल जवळ 

व्हावे श्रीमंत मनाने 

समाजात वावरावे 

माणुसकी न सोडता 

नाते जपावे पूर्णतः 

मन कधी न तोडता