माझ्या भीमाने
माझ्या भीमाने
माझ्या भीमाने ज्ञानाचा
असा केला अभिषेक
त्याच्या ज्ञान किरणांने
लोप पावला काळोख
निद्रिस्त होता समाज
मनुस्मृती च्या छायेत
स्वाभिमान थकलेला
होता अस्पृश्य कायेत
शिकविले जिणे त्यांना
स्वाभिमानी रोखठोक
जातीवादी अंधाराने
जीवन ते झाकलेले
गुलामांचे जीवन ते
होते क्षीण थकलेले
केला होता कर्मठांनी
अन्यायाचा अतिरेक
गुलामांच्या गुलामीचा
त्याने अंत घडविला
मायभुमीच्या शिरेवर
घटना कळस चढविला
प्रस्थापून समता केली
समाजाची देखरेख
शिकून त्याने स्वतः
समाजाला शिकविले
माती नापीक तरीही
त्याने हिरे पिकविले
माझ्या भीमाने क्रांतीचा
असा केला उद्रेक