Library
Profile
माझं माहेर माहेर
माझं माहेर माहेर
1 min
325
माझं माहेर माहेर
काय सांगू त्याची गोट
पडे वाटेवर पाय
कशी धावे पायवाट
माझं माहेर माहेर
उभा वाडा चिरेबंदी
किती येती आणि जाती
तिथे कुणा नाही बंदी
माझं माहेर माहेर
गावी दरारा केवढा
असे मायबाप माझे
छान शोभे त्यांचा जोडा
माझं माहेर माहेर
येती भावंडं धावत
आक्का आली आक्का आली
सारी सांगती गावात
माझं माहेर माहेर
दादा वहिनीची माया
माय बापाच्या नंतर
त्यांच्या पडते मी पाया
माझं माहेर माहेर
तिथे कशाचा ना तोटा
कसा ढोरांनी भरला
माझ्या माहेरचा गोठा
माझं माहेर माहेर
ताट आयतं समोरी
राही हातातच घास
कशी असेल हो स्वारी
माझं माहेर माहेर
माझ्या भोवताली सारी
अडकला जीव तिथे
याद येते त्यांची भारी
