माझिया माहेरी

माझिया माहेरी गं

खेळे अंगणी चांदण

लेकी बाळांना इथे

प्रेम मायेचे कोंदण

माहेरात चौसोपी

चार मजली वाडा 

काका आजी आत्या

सारां नात्यांचा सडा

आईबाबा दादा वहिनी

स्वागताला उभे नित्य 

जिव्हाळ्याचा हा बंध

जपती प्रेमाचं सातत्य

येता सय माहेराची 

येतो भरूनच ऊर

जावे वाटते माहेरा

राहिले ते खूप दूर

कंकणाची किणकिण

माझ्या मायेची कानी

कलकल पाखरांचा 

ऐकू मंजुळ त्या रानी