माझी लेक
माझी लेक
1 min
382
लेक माझी लाडाकोडाची
मौजमस्तीत रमणारी
शैशवात बहरणारी
अल्लडपणी रमणारी
प्रश्नांनी भंडावे मजला
विज्ञानाची आस तिजला
अंधश्रद्धा झुगारताना
शास्रीय ज्ञान हवे तिला
तारुण्यात चित्त स्थिरावे
ज्ञानोपासना ध्यास मनी
उच्चविद्याविभूषित व्हावे
हीच आकांक्षा ध्यानीमनी
खूप शिकूनी कर्तबगार
ज्ञानदानाचा असे निर्धार
पिढी पुढची घडवायाला
शिक्षक ज्ञानी आत्मनिर्भर
सावित्रीची लेक गुणी
पुण्य ज्ञानदान करी
सावित्रीचा आदर्श पुढे
गरीबांना सहाय्य करी
जन्म सार्थकी लागला
नाव काढले लेकीने
भाग्यवान मी जगती
दान दिले ईश्वराने