माझा राजा

शिवप्रभूच्या पदस्पर्शाने 

पावन झाली भूमी हो 

रायगडाच्या सिंहासनावर 

बसला माझा स्वामी हो ॥1॥

गुलामगिरीच्या घोर अंधारी

स्वप्न पहिले शिवबाने 

शपत घेवुनि रायरेश्वरी 

स्वराज्य स्थापिले हिंमतीने ॥2॥

 

शेतकऱ्यांचा दिनदुबळ्याचा 

राजा माझा लई नामी 

न्याय निती नियत त्याची 

विचार आहे पुरोगामी ॥3॥

शौर्य पराक्रम मुलखी गाजे 

वैर ना कोणा धर्माचे 

जातीपातीला गाडून त्यानी 

भविष्य लिहिले कर्माचे ॥4॥

साधासुधा गडी मराठा 

रंग त्याचा सावळा 

हाती घेतले स्वराज्य कार्य 

झाला त्याचा मावळा ॥5॥

मोडून पडता प्रेरणा देतो 

शिवबा हा मंत्र माझा 

विश्वात साऱ्या डंका घुमतो 

एकच जाणता राजा ॥6॥