माझा भारत

माझ्या भारतीय संस्कृतीची

सर जगी कोणालाही नाही

शान आहे ती भारताची

तिच्याविना भारताला शोभा नाही

एका देशातच सामावले सारे

नाही भेदभाव कोणताच

नांदतात सुखी गुण्यागोविंदाने

नसे मतभेद कशातच

भिन्न प्रांत ,भिन्न भाषा,भिन्न वेश

तरीही एकच आमचा भारत देश

जातीभेद नसे ठावे कोणा

विविधतेने नटलेला आमचा देश

पाहुणचार पाहुण्यांचा करण्या

सदैव उत्साह असे साऱ्यांचा

माझ्या भारताची संस्कृती शिकवी

विविधतेतही एकच आहोत सारे

ऐक्याची मशाल तेजस्वी ठेवी

सदा भारतभूच्या नावाचे वाहती वारे