माझा बाप शेतकरी !

माझा बाप शेतकरी

त्याचे उपकार माझ्या वरी

मला भासतो बाप माझा

देवाहून ही लय भारी

जगात मी मिरवितो 

त्याचेच लावूनीया नाव

अभिमान मला त्याचा

आईला ही आहे ठाव

त्यानं शिकवले मला

मेहनत मजदूरी करुन

दिले मला सर्व काही

स्वता अर्धपोटी राहून

शेती काम अजून करतो

वेगवेगळी पीक घेतो

उन्हातान्हात राब राबतो

लोकांसाठी धान्य पिकवतो

काळ्या आईची करावी सेवा

अशी शिकवण त्यांने दिली

दूस-यां साठी करत रहावे

याचीही मला जाणीव दिली