लहानसं खेडं
लहानसं खेडं
गाव माझं एक लहानसं खेडं
गावाचं शिवार असे लय थोडं
गावाच्या लगट डोंगर फारं
लांबूनच दिसे हिरवे हिरवे गार ---- !!
गावाचं नाव माझ्या जनुनावाडी
गावाच्या बाजुस शेत शिवारवाडी
खालती गावाच्या आमराई दाट
त्यातूनच असे बाजाराची वाट ----- !!
गावाच्या पल्याड नदी चुनखडी
शोभा कशी देते उंचती टेकडी
डोंगराची काळी मैना दिसे काळी भोरं
खाण्यासाठी जीव माझा करे हूर हूर ---- !!
गाव माझं कसं लय लय छान
मंदिराचा कळस दिसे उंचावून
झाडे देई शोभा वडपिंपळाचे दाट
पाखरांचा चाले तिथे किलकिलाट ---- !!
बैलगाडीचा मला भारी नाद
राखितो हाकीतो घालतो मी साद
बैलाच्या गळा वाजे घुंगरमाळा
त्यांच्यासाठी सण मला आवडतो पोळा ---- !!