लेखणी

लेखणी माझा आधार

असते नेहमी सोबती

करिते सदाच सांत्वन

अश्रूंना माझ्या जपती

लेखणी जवळ असता

उलगडा होतो मनाचा

अलगद अक्षरे उतरती

भार कमी करे लोचनांचा

लेखणी माझी चालता

व्यक्त करते भावनांना

शब्दाची माळ गुंफित

मिळविते दोन जिवांना

या लेखणीस माझ्या

आहे फार तिखटधार

नसे तमा कुणाचीच

करते शब्दांचा प्रहार

लेखणी ही जीवनात

मोलाचे कार्य करते

समाजास दिशा देऊन

आधार स्तंभ बनते