कविता

कविता

तुझ्या माझ्या

आपुल्या निखळ नात्याच्या

घट्ट निर्मळ निरागस मैत्रीच्या

कविता

भिडल्या नजरेच्या

आपुल्या निस्सीम प्रेमाच्या

दोन देहातील एकाच जिवाच्या

कविता

दिलेल्या वचनांच्या

आपुल्या लग्न सोहळ्याच्या

एकत्र गुंफलेल्या दोन नावाच्या

कविता

साकारल्या स्वप्नांच्या

आपुल्या सुखी संसाराच्या

कर्तव्य ऋतू खुलवल्या समाधानाच्या

कविता 

सोबतीच्या प्रवासाच्या

आपुल्या साठीच्या सहवासाच्या

वार्धक्यात खंबीर झाल्या आधाराच्या

कविता

एकत्रित निरोपाच्या

आपुल्या मरणोत्तर सोबतीच्या

जन्मोजन्मी बांधल्या गेलेल्या रेशीमगाठीच्या