कविता
कविता
1 min
532
मनातील भावनांना
शब्दांची साथ मिळते
त्यातूनच सुंदर कविता
मग जन्मास येते।। १।।
साठलेल्या भावनांची
वाट मोकळी होते
स्वप्नांची गोजिरी एक
दुनिया ती सजते।। २।।
स्वप्नांच्या पलीकडेही
धाव मन घेते
क्षितीजालाही स्पर्श करून
क्षणात फिरून येते।। ३।।
आठवणींची गुंफलेली
माला ती असते
सूर नवे छेडणारी
वीणा ती असते।। ४।।
जगण्याचा खरा अर्थ
सांगणारी ती असते
मनापासून मनापर्यंत
पोहोचणारी ती असते।। ५।।