लाइब्रेरी
प्रोफाइल
कविता
कविता
1 min
343
शब्द शब्द मोलाचा
तो जपून बोलायाचा
शब्द हे जादूई असती
खेळ चालतो शब्दांचा
आपलेच शब्द जपती
नाती आपली प्रेमाची
कठोर शब्दाने तुटती
अन् भिती दुराव्याची
शब्द वाढविती मान
शब्दच करती अपमान
शब्द उठविती रान
वाढे शब्दाने सन्मान
शब्दाने संवाद घडती
वादाने वाद वाढती
शब्द शब्द जोडूनच
कविता जन्म घेती
मन हलके कराया
शब्दच साथ देती
शब्दाविन कधी ना
संवाद शक्य होती
राग कुणावर धरता
गोडवा सरून जाई
गोड शब्दांनी प्रेमात
भारीच गोडवा येई
कधी शब्दांनी रुसावे
कधी उगा गोड हसावे
अनोख्या या शब्दांनी
आज कविता बनुनी यावे
