कुपी
कुपी
1 min
326
अत्तराच्या कुपीगत
सहवास सुगंधित
स्मृती सोनेरी आजही
मनोमनी उल्हसित
प्राजक्ताच्या ओंजळीत
रंग गंध नि उल्हास
झेप घेतसे मन्मन
श्वेत फुलांसाठी खास
अभ्यासाच्या गर्दीमधे
सडा नुसता फुलांचा
कोणी देईना घेईना
गंध दरवळायचा
देश सोडलास तरी
स्मृती जपल्या सुगंधी
पत्र सुगंधी अत्तर
गंध अनोखा आनंदी
काळ गेला उलटून
तरी अत्तर प्रेमाचे
जपे मनाच्या कुपीत
आता बंधन नात्याचे