कस्तुरी गंध
कस्तुरी गंध
नक्षत्रवेलीवरच्या कळ्यांचे
फुलवले काशीसरांनी फूल
पडते ललितलेखनाची इथे
समस्त सारस्वतांनाच भूल
उगवत्या काव्यलतिकांची
बरसतेय लेखणीच झरझर
विषय लेखनाचा रोमँटिक
उतरतो कागदावरी सरसर
नसते ठावूक कस्तुरीमृगास
येतोय कुठून हा कस्तुरीगंध
सारस्वतांच्या लेखणीचाच
पसरलाय सर्वदूरवरी सुगंध
कौतुकाचे बोल लालित्याचे
श्रीकांतसर भारतीही तत्पर
नाही उण्यावाट्याचे कोणी
भागीदार या नक्षत्र वेलीवर
अलवार गंधित पुष्पसुमांची
होई वेलीवरती सुरेख गुंफण
पसरे कस्तुरीगंधाचा दरवळ
नसे शब्दकंटकांचेही कुंपण
बहरल्यात काव्यसम्राज्ञीही
आत्मविश्वासानेच वेलीवर
लेखणीची मनोहारी जादू
आहे मखमाली वसुंधरेवर