कर्तव्यदक्ष आई

इतकी छाया देऊ नकोस आई ,

की मला ऊन सहन होणार नाही

इतकी माया करू नकोस आई ,

की मला राग सहन होणार नाही

इतकी सेवा पुरवू नकोस आई ,

की मला कष्ट सहन होणार नाही

इतका लाड करू नकोस आई ,

की मला हट्टाची सवय लागणार नाही

इतकी स्वार्थी बनु नकोस आई ,

की मला देशासाठी जगता येणार नाही

इतकीच जाणीव दे मला आई ,

की मी भ्रष्टाचार करायला धजणार नाही

इतकीच शिकवण दे मला आई ,

की मी मेहनत करायला लाजणार नाही

इतकीच हिम्मत दे मला आई ,

की मी संकटाना घाबरणार नाही

इतकीच कृपा कर माझ्यासाठी आई ,

की तुझा आशिर्वाद माझ्यावर असु दे आई