*कर्तव्याची दोरी*

आज संसार झाला पस्तिशीचा

सुखदुःखाचा डोंगर पार केला

कर्तव्याच्या दोरीने बांधले होते

कुटुंबाचा सांभाळ उत्तम केला...

सुखाच्या सरींनो या ग या

आता तरी माझ्याही परसात

आनंदाची होवू दे या वयात

अंगणात मग छान बरसात....

सुख साठू दे मम ह्रदयी 

भरु दे हर्षाच्या खूप खाणी

स्मरण कर्तव्याचे होताच 

वाहील हो नयनी पाणी.....,

सुखाच्या सरींनो या ग या

बरसा ग बरसा माझ्या दारी

आनंदाचे घट भरू दे मलाही

माझ्या अन कुटुंबाच्या अंतरी.....

दुःखामागून सुखाची सर 

घेवून जीवनी येवू दे

खोलवर मनात त्याची

रूजवण छान होवू दे........