कर्तव्य मैत्रीचे

सुख दुःखाला जावे यावे

मैत्रीचे अश्रू हाती घ्यावे

सांत्वन करून हृदय जपावे

द्वेष,मत्सराला जागा नसावी

मैत्रीत प्रगतीला साथ असावी

सत्भावणा फुलत,बहरत यावी

वादविवाद असोत कितीही

संकटाला धावत येते तरीही

लांब असून हृदयात असे काही

बालपणाची मैत्री कट्टी बट्टी

होत असे भांडण रोज हट्टी

पण लगेच होत असे गट्टी

मैत्रीत असावे सारे खरे

जसे जमिनीत पाणी जिरे

मग खडकातून पाझरे झरे

मैत्री निसर्गाची आपली खरी

सारे मिळते आपल्याला घरी

मैत्रीचं नातं जमीन अन् शेतकरी