करोना

उघडले डोळे साऱ्यांचे

जीवघेण्या करोनाने

माणूस म्हणून माणसाकडे

आज पाहिले माणसाने

गावी वाट पाहत होते आईबाप

यावे कधीतरी घरी लेकाने

मायलेकरांची नव्हती वर्षानुवर्षे गाठ

ती भेट घडवली करोनाने

शहरातील आईबाप

व्यस्त होते कामाने

लेकरांसाठी वेळ मिळाला

वर्क फ्रॉम होम च्या आदेशाने

कुटुंब एकत्र पुन्हा आलयं

करोनाच्या भीतीने

आज श्वास मोकळा घेतलाय

घुसमटलेल्या नात्याने