कोरोनापासून सुरक्षित कसे रहावे

शिंका सर्दी ताप खोकला

येताच दवाखान्यात पळा 

नकाच तोंडाला हस्तस्पर्श

पथ्यपाणीही थोडे पाळा

टाळू या संपर्क आणि संसर्ग 

हस्तांदोलन ही नकाच करू 

धुऊ डेटॉलने हातही स्वच्छ

बाहेर जाताना मास्क वापरू

खाऊ ताजे जेवण घरचेच

हॉटेलचे जंकफूडही टाळू 

बाहेर जावे लागलेच जरी

गर्दीमध्ये नकाच घोटाळू

जगा नि इतरांनाही जगवा

वापरू स्वच्छतेचा मूलमंत्र

हळदीदूध फलाहार खाणे 

कोरोनाला टाळण्याचे तंत्र

कशाने नि कुठूनी चीनमध्ये

पसरली जगात ही आपत्ती

सहकार्याने करू मुकाबला

माणुसकीच आपली संपत्ती