कोपरखळी

नव्या नव्या सूनबाई

आल्या हो सासराला

पाऊल पहिले टाकले

सजणाच्या घराला

नव्याचे नऊ दिवस

काही दिवसात संपले

हे कर,ते असे कर सांगून

सासूबाईने सूनबाईंला पिडले

हो करते म्हणून सुनबाई

लागे बाई आता कामाला

शब्द कोपरखळ्या सासूबाईंच्या

सून लागली आता झेलायला

या कोपरखळीतही सूनबाईने 

अती आनंद अंतरी मानला

खूश केले छान सूनबाईने 

हौशी सासू अन सासर्‍याला

सजणाची साथही लाभली

संसार सुखी होवू लागला

संसारवेलीवर छान आता

फुले लागली फुलायला