कोणीतरी कुठेतरी

कोणीतरी कुठेतरी 

अचानक समोर येतं 

अलगद आणि सहजतेने 

मनाचा ठाव घेतं ||0||

कळत नकळत हे 

क्षण हळवे भेटतात 

मनात मग प्रीतीच्या 

ठिणग्या पेटतात 

विसावा मनाला 

आयुष्यभाराचा देतं 

अलगद आणि सहजतेने 

मनाचा ठाव घेतं ||1||

सांगून क्षण हे कोवळे 

जीवनात येत नाहीत 

किंमत मोजल्याशिवाय 

सुख काही देत नाहीत 

विरहाच्या जगीही 

मन आपलं नेतं 

अलगद आणि सहजतेने 

मनाचा ठाव घेतं ||2||

अमर आहे या जगी 

हिच प्रेमभावना 

साथ या भावनेला 

असह्य प्रेम यातना 

द्वेष हरतो प्रेमापुढे 

प्रेम एक जगजेत्त

अलगद आणि सहजतेने 

मनाचा ठाव घेतं ||3||