कन्यादान

दानात दान महादान

म्हणतात ज्याला कन्यादान

पण कन्या काही वस्तू नाही

जिला दानाच्या स्वरूपात दिली जाते

परंतू , ती तर आहे काळजाचा तुकडा

आई वडिलांच्या मानाचा तुरा

हाडामांसाची ही जिवंत बाहुली

लहानाची मोठी करून 

इच्छा - आकांक्षांना आपल्या दफन करून

कुणा अनोळखी व्यक्तीच्या हाती सोपवतात 

तिथे ती विवाहाच्या नावाखाली

समाजातील परंपरांचा निर्वाह करते

लोक - लाजेखातर सर्व स्वप्ने जाळते 

संसाराचा गाडा विनातक्रार ढकलते 

यालाच म्हणतात का कन्यादान

इथे कन्येलाच गण्य मानले जाते

रिती - भाती प्रत्येक पूर्ण होतात पण

शेवटी दान हे दानासारखेच वापरले जाते

अशा प्रकारे कन्येचे दान करून

तिचे अस्तित्वच पूर्णपणे संपवले जाते

कन्यादानाच्या नावाखाली पुन्हा एक कन्या

निष्पाप बळीचा शिकार होते.