खूप तरल

खूप तरल

खूप खोल 

कधी दाटून येत 

कसं दाटून येत 

याचा थांगपत्ता लागत नाही 

पण स्वस्थ काही बसवत नाही 

त्रस्तपणा पाठ काही सोडत नाही 

घालमेल जीवाची

तळमळ काळजाची

सांभाळता काही येत नाही 

तोल काही आवरता येत नाही 

अलिकडंच - पलीकडंच

बधीर मन

बहिरे कान

आतले बाहेरचे चेहरे 

मात्र बघत राहतात 

गर्दी करून 

गर्दीच राजकारण 

काही केल्या समजत नाही 

काही काही कळत नाही 

तळ काही केल्या सापडत नाही 

किनारा कधी येतच नाही 

किती तरल

किती खोल 

याचा थांगपत्ता काही केल्या लागत नाही