काळोखी अंधार

कधी अंधार सभोवती

तर कधी उन्हाचा पसारा

एकटाच फिरतोय

या काळोख्या अंधारात 

उन्हाचे चटके सोसत

अंधारात शोधतोय

झाकोळलेल्या चांदण्या

आणि त्या मेघांनी झाकोळलेल्या

चांदण्याकडे मागतोय

त्याची शालीनता आणि 

तिच्यातला ओलाव्यातला गारवा

आपल्या फुटकळ आसवांना

डोळ्यांतल्या डोळ्यांत साठवत

त्याचवेळी...

काही क्षण सुखाचे न् दुःखाचे

चमकून जातात एखाद्या काजव्यासारखे आणि 

दुसऱ्या क्षणाला लपूनही बसतात

त्या अंधाराच्या कपारीत

आताशा हा काळोखी अंधार 

आणि हा उन्हाचा पसाराही 

सहन होत नाहीयं

क्षणाक्षणांनी पुन्हा पुन्हा 

शून्य होत जातोय

हे उन्हाचे चटके आणि 

काळोखी अंधार सोसत सोसत