कालिया मर्दन

खेळत होते कृष्ण, सवंगडी

यमुनेच्या तीरी

कासे पितांबर पिवळा

शोभे मोरपीस शिरी //१//

खेळता, खेळता चेंडू

पडला कालिया डोहात

सवंगडी ते कृष्णाला लावती दोष

म्हणे चेंडू का फेकला पाण्यात//२//

कृष्ण प्रभू सरसर चढले झाडावर

विलंब क्षणाचा केला नाही

मारली उडी पाण्यात

डोह कालियाचा होता खोलवर//३//

कालिया नागाचा राग उफाळला

आला चालून प्रभूवर

नाचले कृष्ण कालियाच्या शिरावर

आले यमुना तीरावर //४//

हरवून कालियाला बाळकृष्ण

झाले कालिया मर्दन

तोच दिवस आनंदाने साजरा

होतो नागपंचमीचा सण //५//