" जुने कॅलेंडर नवे कॅलेंडर "

भिंतीवरचे जुने कॅलेंडर उतरले 

काही नोंदी आठवून मी रडलो 

अन् नवे कॅलेंडर तेथे लागता 

नवीन नोंदी करताना हसलो ||१||

कालच्या घटना शिकवून गेल्या 

कसे? जगायचे ते सांगून गेल्या 

उद्या चे स्वप्न रंगवावे कसे?

जीवनाचे महत्व मांडून गेल्या ||२||

हा प्रवास फक्त एकाच दिसेला 

मागे फिरण्याची सुट यात नाही 

रोजचा दिवस आयुष्यात नवा 

फिरून जुने काहीच मिळत नाही ||३||

आजचे सुख, दुःख आजच्या पुरते 

उद्या सांग काय? राहिलं जवळी 

कर्म करीत आज फळ मिळे उदयाला 

फुकाचा अहं तरी तू का ? कवळी ||४||

वायाच गेले कॅलेंडर कालचे 

जरी सांभाळले मी त्याला वर्षभर 

नवेच कॅलेंडर फायद्याचे आहे 

तरी तू त्याला सांभाळावे वर्षभर ||५||