जन्माष्टमी
जन्माष्टमी
1 min
212
माहे श्रावणात । वद्य अष्टमीला
मथुरेत झाला । कृष्ण जन्म ।।१।।
जन्म मथुरेत । गोकुळी सांभाळ
सोबती गोपाळ । खेळावया ।।२।।
कालिया मारिला । कंस वध केला
दुष्ट पुतनेला । ठार केले ।।३।।
गोप गोपिकांना । एकत्र करून
कर्तव्य महान । पार केले ।।४।।
कधी ना मानला । जात पात धर्म
जीवनाचे मर्म । सांगितले ।।५।।
दही भात काला । प्रेमे भरविला
खेळ दैवी केला । गोपांसवे ।।६।।
वीर अर्जुनाला । गीता सांगितली
प्रेमाने रचिली । दहीहंडी ।।७।।