जन्म बाईचा

कधी मिळे घरात उपेक्षा

कधी बाहेर घाणेरड्या नजरा

नकोसा वाटतो हा

जन्म मुलीचा नव्हे बरा

ही सीमा ती मर्यादा

सांभाळून सारे काही

एक चूक घडताच

समजून कोणी घेत नाही

कोणाच्याही प्रेमाला

नकार द्यायची भिती

अॅसिड हल्ला, रेप काही

करून तो मोकळा होई

लग्नाच्या बाजारात कळे

खरी किंमत आपली

पैसे आपण मोजले तरी

सासरी मजुरी तिनेच करावी

बाई असली तरी

हट्ट दिव्या चा राही

वंश पुढे वाढवायला

मुलगाच कामात येई

बाईचा जन्म हा फक्त

परोपकाराचा

स्वत:ला विसरून दुसर्यांचे

स्वप्न साकारण्याचा