जिवलगा

जिवलगाच्या ओढीने 

जीव झालाय व्याकुळ 

विरहानंतर मन झालेय

मिलनासाठीच आकूळ

जिवलग सखा तू माझा

प्रेमाचा वर्षावच तुजवर

अलवार फुलता भावना

पर्णोपर्णी सांडले दहिवर

तुझ्या सुखासाठीच मी

सोडिले हे प्रेमळ माहेर

प्रसवूनी दोन गुणी पुत्र

दिला वंशवेलीचा आहेर

निशीदिनी सजवते तुझा

सुखाने घरभरला संसार

प्रीतीच्या रेशीम बंधानेच

शिंपिते मुग्धप्रेमाचे तुषार

सांजरात होता आयूष्याची

होतील शिथिल गात्रे कांती

जिवलगा तुझ्याच घट्ट हाती

काटीन उरलेल्या सायंराती